Nā Waihona Kōkua HOʻonaʻauao
NA Kiʻi Pōhaku

Ma ke kau hoʻoilo 2017, he 17,612 ka nui o nā haumāna i hele i ke Kula Nui o Hawaiʻi ma Mānoa. No hoʻokahi kau, e uku ka haumāna mai Hawaiʻi mai i ka $5,436 no 12 a ʻoi helu ʻai. ʻO ka haumāna no ʻAmelika mai, e uku ʻo ia i ka $16,452 no hoʻokahi kau i piha i ka 12 helu. He mau uku hou aʻe no ke komo ʻana i ke kula. Uku kou aʻe nā haumāna i nā pila pili i nā haʻuki, ke kāleka eʻe kaʻa ʻōhua, nā papa hana haumāna, ka hoʻolele leo, ke keʻena ola kino, nā papa paʻi puke, nā mea hoʻonanea, ka papa kula waena, a me ka hui ASUH. Nui ka uku no ke kula nui, a maikaʻi ke kōkua ʻia ka haumana. Eia ma lalo nei he mau ʻike pili no ka FAFSA a me nā waihona kōkua hoʻonauaʻao.

Free Application for Federal Student Aid (FAFSA):

-E hoʻomākaukau i nā pepa ʻauhau.

-Kau inoa ma ka lā 1 o ʻOkakopa.

-Pono nā kāne mai ka makahiki 18 a i ka 25 e kākau hoʻopaʻa no ka Select Services. He papa inoa kēia i koho ʻia ai nā koa no ka hoʻouka kaua. 

Hoʻāʻo ke aupuni ʻo ʻAmelika e hoʻoholo i mau kānāwai i kaulike ka hāʻawi kālā ʻana i ka haumāna. Nānā ke aupuni i ka loaʻa makahiki (yearly income) o ka haumāna (me kona mau mākua inā he 25 ona makahiki a emi mai paha). ʻAʻole makana ʻia ka poʻe apau i ke kālā. Inā hana koke ʻia ka FAFSA, e ʻoi aku ana nā waihona kōkua hoʻonaʻauao. Ke pau nā kālā mai ke aupuni mai me nā waihona kōkua naʻauao, ʻo ke koena wale nō o ke kālā ka hōʻaiʻē. No laila, e nānā ma ke kahua pūnaewele Financial Aid o ke kula nui, no ka mea hoʻolaha ʻia nā ʻano like ʻole o nā waihona kōkua hoʻonaʻauao. Pono ʻole e uku no nā waihona kōkua naʻauao; he kālā manuahi kēia. 

Eia kekahi mau wahi e hoʻolako i nā waihona kōkua hoʻonaʻauao: ke Aupuni (FAFSA), ka Mokuʻāina, nā kulanui me nā kula kiʻekiʻe, nā hui ʻimi naʻauao, nā hale pule, nā hui kūloko, a me nā hui Fortune 500. E heluhelu pono i nā ʻōkuhi o kāu waihona kālā e ʻimi ai, ʻoiai i kekahi manawa hāʻawi ʻia ke kālā no ka poʻe wale nō i hana no kēlā ʻahahui. E nānā pono i nā wahi e hoʻolaha ana i ke kālā manuahi. I kekahi manawa hoʻopunipuni ka pūnaewele. Kūpono ka nānā ʻana i ko ka hui kahua pūnaewele kikoʻī, nona ka .edu a .org paha. Wehe ʻia nā wahi e kau inoa ai no nā waihona kōkua hoʻonaʻauao ma ka mahina ʻo ʻOkakopa, a pani ʻia ma nā mahina ʻo Ianuali a i Malaki. Loli nā panina no nā hui kōkua like ʻole.

Nā Mea i Pono ai e Hoʻopihapiha i nā Waihona Kōkua Hoʻonaʻauao:

-E hoʻomākaukau i pepa a pane i nā nīnau ma lalo nei. (E loli ana nā nīnau no nā waihona kōkua like ʻole, akā naʻe eia nā nīnau maʻa mau e pane ai.)

-He aha nā pahuhopu ma ke kula nui?

-He aha ka ʻoihana i makemake ʻia?

-Pehea e kōkua ai i ka lāhui ma hope o ka puka kula ʻana?

-E koho i wahi e hana manawaleʻa ai. 

-Puni nā mea kōkua i nā kānaka e kākoʻo ana i ka lāhui.

-Ke hana lima ka haumāna, hiki ke noi haʻahaʻa i ka luna e kākau leka no nā waihona kōkua hoʻonaʻauʻao. 

-Ka Moʻomōʻali

-Nā kaha mai ke kula mai

-FAFSA Student Aid Report (Hoʻuna ʻia ka SAR 6 mahina ma hope o ka hoʻopihapiha ʻana)

He kōkua nui ka leka uila ʻana i kope no nā mea i pono ai no ka hoʻopihapiha ʻana i nā waihona kōkua hoʻonaʻauao. Inā ʻeleu ka haumāna hiki ke uku ʻia ʻo ia no ka hele kula ʻana.

© Kiʻi Pōhaku . 2018

© kauluhoi 2017